កិច្ចប្រជុំត្រួតពិនិត្យរបាយការណ៍សមិទ្ធផលការងារប្រចាំខែកក្កដា និង ទិសដៅការងាររបស់ខុទ្ទកាល័យសម្តេចតេជោ ប្រធានព្រឹទ្ធសភា
នាព្រឹក ថ្ងៃពុធ ៣រោច ខែស្រាពណ៍ ឆ្នាំម្សាញ់សប្តស័ក ព.ស.២៥៦៩ ត្រូវនឹងថ្ងៃទី១៣ ខែសីហា ឆ្នាំ២០២៥ វេលាម៉ោង ១០:០០នាទី ឯកឧត្តមបណ្ឌិត ឈីវ យីស៊ាង នាយកខុទ្ទកាល័យសម្តេចប្រធានព្រឹទ្ធសភា បានដឹកនាំកិច្ចប្រជុំ ដើម្បីធ្វេីបច្ចុប្បន្នភាពនៃការវិវត្តន៍ថ្មីៗសំខាន់ៗជាពិសេសពាក់ព័ន្ធនឹងអត្ថប្រយោជន៍ជាតិ និងអន្ត្តរជាតិរបស់កម្ពុជា និងបូកសរុបលទ្ធផលការងារសំខាន់ៗប្រចាំត្រីមាសទី២ ព្រមទាំងលើកទិសដៅការងារបន្តរបស់ខុទ្ទកាល័យសម្តេចប្រធានព្រឹទ្ធសភា ដោយមានការចូលរួមពីសំណាក់ ឯកឧត្តម លោកជំទាវ ជាថ្នាក់ដឹកនាំ និងសមាជិក សមាជិកា នៃខុទ្ទកាល័យសម្តេចតេជោ ប្រធានព្រឹទ្ធសភា សរុចចំនួន ១៩រូប នៅសាលប្រជុំពិសេសជាន់ក្រោម វិមានព្រឹទ្ធសភា។
ប្រភព៖ នាយកដ្ឋានព័ត៌មាន
